شو مشاريعنا
أطيب مطاعم الجنوب لعشوات شهية ومميزة
وين رح تتعشوا الليلة؟ بحال ما قررتوا بعد، لقينالكن أفضل مطاعم بالجنوب لأطيب عشا غني ومميز بأجواء ساحرة!
1- Chops Diner – صور
البرغر ما بتتفوت عند Chops! اضربوا ساعات الجوع بتشيكن برغر مميز و مقرمش، تشيز برغر دايبة بطعم خيالي، أو برغر بلحمة طعمها غير عالم!
الرقم: 614 345 07 – 834 787 81
2- مطعم لوس – جزين
مطعم لوس عندو أطيب مازة و تشكيلة مشاوي، فيو روعة لطبيعة جزين، شيميني دافية، وسفرة غنية لعشا مميز.
الرقم: 330 780 70
3- مطعم سموكة – صيدا
بلا مزح، مطعم سموكة عندو أطيب أكلة سمك بصيدا كلها! عندو مازة بوصفات خاصة، بيتفنن بالصوص، ومنيو متنوع وغني بالمأكولات البحرية – ضروري تجربوا عندو السمك المقلي أو المشوي، بيطلع غير شكل.
الرقم: 851 732 07 – 872 605 70
4- Elysium – زبدين، النبطية
إذا عبالكن أكل طلياني على العشا بين شجر الزيتون، مطعم Elysium عندو أطيب صحن باستا بالنبطية كلا، معمولة على أصولها وبتطلع كتير كريمي، ومش بس هيك، البيتزا عندو غير عالم!
الرقم: 940 909 70
5- Les Caves Roum – جزين
قعدة كهف رومانسية، شيميني دافية، كاس نبيد وسفرة كريمة من مشاوي مشكلة ومازة على القد، بتنبسطوا بأطيب عشا وقعدة مكنكنة بهل مطعم بجزين.
الرقم: 292 810 07 – 126 000 76
6- Zoya Resto Cafe – صيدا
مطعم زويا بصيدا بقدم أكل عالمي متنوع وبيعملوا بكل شطارة، خصوصي الأكل الطلياني من باستا وبيتزا مليانة مكونات بجودة عالية وطعم مميز، كمان معروف بالسلطات الشهية!
الرقم: 992 662 70 – 360 736 07
شوفوا كمان، أطيب مطاعم الجنوب لتجربوا لحمة نية غير شكل.