سافر بلبنان: قضوا نهار من العمر بضيعة بيصور

طلعوا بالسيارة وميلوا على ضيعة بيصور يلي رسمت مع الشمس لوحة فنية طبيعية وقضوا نهاركن بعيد عن الهموم والعجقة. رح نخبركن كيف فيكن تقضوا أحلى نهار بهالمنطقة الجبلية المميزة بعاليه.

مشوا الصبح وتروقوا منقوشة على الوصلة من الضيعة عند فرن أطيب منقوشة، وما تخافوا لأن المشوار رح ياخدكن بس نص ساعة من بيروت.

الرقم: 422 682 81

بلشوا نهاركن بأجمل مشوار بأحضان الطبيعة بين شجر الصنوبر واشربوا مي بتبورد القلب من عين الضيعة.

زوروا قصر High Tower أو البرج العالي الأثري المبني على شكل قلعة رومانية يلي فيكن تشوفوا منو أحلى مناظر لبنان.

جربوا ركوب الخيل عند Baissour Equi Club – نشاط كتير مهضوم للولاد.

الرقم: 094 191 71

انزلوا على الساحة وتمشوا بقلب السوق تسوقوا أحلى مونة.

كلوا أطيب ساندويشات عند مطعم صحتين.

الرقم: 517 773 03

زوروا متحف جميل ملاعب وتفرجوا على الأعمال الفنية والمنحوتات والموزاييك.

الرقم: 588 229 71

لتروقوا راسكن اشربوا أطيب فنجان قهوة بالحرش على صوت العصافير.

رجعوا شوفوا المطحنة الأثرية لي عمرها فوق ال700 سنة ولي بتلاقوها على النهر.

كفوا على تلة الرادار الأعلى بالبلدة وتأرجوا على نهر بيصور.

تفرجوا على الآثار الرومانية والبيوت العتيقة لي بتعود للعهد التنوخي.

اعملوا سهرة نار وتفرجوا على المغيب من ورا الجبل.

زوروا غابة الصنوبر بجرود الضيعة وشوفوا البيوت المهجورة.

تحلوا بأطيب قطعة كنافة عند SamRouj.

الرقم: 739 830 03

كلوا أطيب بيتزا على الحطب بنص الضيعة عند Pizzaiolo.

الرقم: 111 412 05

من بعد ما قضيتوا النهار بيصور، صار وقت النوم وما في أجمل من النومة بمحل كتير في رواق مع منظر كتير حلو ومي جارية، نزلوا على كعب الوادي على بيت جسر السمير وقضوا ليلة مكنكنة.

الرقم: 088 533 03

لتعرفوا أكتر عن جسر السمير، شوفوا معنا، جسر السمير: إجازة خريفية من العمر.