تعرفوا على أصغر ريادي بلبنان

ل يليﹼ بهمه أخبار المشاهير والمواضيع الترفيهية، منقدملكن موقع كتير رح تحبوه وتلاقوه مفيد! تعرفوا على وائل اونلاين، موقع لذيذ أسسه الريادي المندفع وائل سيف الدين لما كان عمره بس ١٥ سنة!

ومن وقتها لهلأ، صار وائل يقدم ويغطي مواضيع متنوعة مثل آخر أخبار المشاهير، الموضة، ونمط الحياة. فيكن كمان تلاقوا نصائح وأفكار هدايا رح تسهل عليكن كتير.

وبسبب شخصيته الودودة وفضوله المستمر، قدر وائل يقابل العديد من المشاهير وأيقونات الموضة متل مايا دياب، ناتالي فنج، وبسام فتوح ويقدم آخر جديدن وأخبارن لمتابعينه.

ومش بس هيك، لإنو وائل كمان بيتطرأ لمواضيع صحية، ترفيهية، وحتى أجدد الأخبار بالبلد.

آه وكمان بقدم وصفات لازم تجربوها!

أما الهدف من موقع وائل اونلاين فهو تحفيز المراهقين ليبتعدوا عن الأنشطة المضرة ويحطوا طاقتهم نحو الأشياء المثمرة.

ف بهيدي الطريقة بيتبعوا وائل، إلي هومن أصغر الشباب يلي مؤسسين أعمال بلبنان، وهو بسن ال-١٧ رح يفتح مكتبه، ومن خلال موقعه حابب يغير تفكير المجتمع عن المراهقين.

وكمان، من خلال الموقع، وائل بيتعاون مع أصحاب عمل صغار بالعمر ليساعدن ينمو حالن ويدعمن. أما أجدد تعاون إلو فكان مع Onyxtone، وبتقدروا تتسوقوا منتجاتن من الموقع.

يلا، شو ناطرين تجربو؟